عنايتي بنفسي

هاي يا حلوين حبيت انزل لكم عنايتي الشخصيه

بـ ( شعري ، بشرتي ، ايدي )

طبعا في بعض من هالخلطات صارلي فترة استخدمهم وشفت نتيجة

حلوه منهم والبعض بجربه ان شاء الله وقلت اشاركم الوصفات

وتستفيدون خصوصا البنات ولو ما استفدتي ماراح تضرك ان شاء الله ،،

يلا نبدأ ..

1/ قناع لفرد الشعر ( يخليه مفرود وحرير كأنه مستشور )

موزه ناضجه جداً او مجمده .
3 ملاعق نشا .
6 ملاعق زيت زيتون .
ملعقتين قشطه .
ملعقتين جيلاتين .

تخلطينهم بالخلاط وراح يصير مزيج كريمي ثقيل نفس قوام البلسم ،
مشطي شعرك زيين وافرديه من الجذور للاطراف ولفي شعرك وغطيه بالكاب ،
خليه ساعتين وبعدين غسليه بالشامبو والبلسم عادي وشوفي شعرك كيف ناعم ومفرود ،
بتلاحظين الفرق من اول استخدام .

2/ مقشر ينعم ويرطب الجسم ( يشيل الجفاف تماماً )

كوب جوز الهند مبشور .
نص كوب بيكربونات الصوديوم .
ظرف جلي الفراولة .
نص كوب زيت جوز الهند او زيت الارغان .

اخلطيهم مع بعض يصير مقشر واستخدميه لجسمك بالشاور ،
افركي بحركه دائريه وخليه 5 دقائق وغسليه بالماء فقط ،
جسمك راح يصير مخملي وحريري مثل بشرة الطفل .

3/ قناع الشعر المعجزه ( ينعم الشعر ويكثف ويقوي ويعطي الشعر لون ولمعه )

كأس ماء مغلي نقعي فيه 3 اكياس شاي ، طلعي اكياس الشاي
واضيفي : ملعقتين كاكاو بودر + ملعقتين نسكافيه + عصير نص ليمونه +
6 ملاعق حنا + ملعقه صغيره قرنفل مطحون + ملعقتين زبادي + مايونيز + عسل .

اخلطي جميع المكونات مع بعض وخليه يرتاح ساعه او ساعتين يطلع فوائده ،
بعدين حطيه على شعرك اقل شي ساعتين وغسليه بالشامبو والبلسم ومره بالاسبوع ،
ممكن تحفظينه بالثلاجه مدة 7 - 10 ايام وتسخنينه بالمايكرويف شوي قبل الاستخدام
او تطلعينه قبلها ويكون على حرارة الغرفه ،
لون شعرك يصير بني عودي مو برتقالي ابداً ويغطي الشيب .