منتديات ابن السعودية , منتدى ابن السعودية , ابن السعودية , منتدى سعودي خليجي عربي - قصيدة ازعل العالم عشانك واراضيك : للشاعر ماجد الديحاني

أزعّل العالم عشانك، وأراضيك
ياللي بقلبي، ما تغير محلك !

المستحيل إني أخونك، وأجافيك
والمستحيل إني أعوفك وأملّك !

ما جيتك ألعب بالمشاعر وأخليك
وما جيت لأجل أستغفلك وأستغلك !

جيت أهدي العمر لفخامة معاليك
وأضيع بدروب المحبة، وأدلّك.. !

كيف أنشغل عنك؟ أنا منشغل فيك
ليت الشعور اللي بقلبي وصلك

وشلون ما أقدّر ظروفك وأداريك
وأنا أحشمك وأحفظ مقامك وأجلّك

‏يا لذة الدنيا، ويا نبض مغليك
روحي تفيت في وصالك وظلك

تغريني أشيائك وأتوه بمعانيك
و أقرا تفاصيلك، وبعضك، وكلك

طموحي أستحوذ على كل ما فيك
أنا معاك أشعر بحب التملك